Wéis du sécherlech schonn am Titel oder an der Beschreiwung gelies hues, geet et an dësem Webcast ëm Sexismus. Heibäi handelt et sech ëm eng Aart vun Diskriminéierung op Basis vum Geschlecht. Wann also eng Persoun méi schlecht behandelt gëtt wéi anerer, nëmme well et eng Fra, ee Mann oder soss eppes ass, dann ass dat Sexismus. 

Leider ass Sexismus och haut nach wäit verbreet an der Gesellschaft an eng Onzuel vu Leit mussen Dag fir Dag dorënner leiden. Fir dogéint eppes maachen ze kënnen, muss ee fir d’éischt mol d’Forme vu Sexismus kennen an erkennen a virun allem erkennen, datt et ee Problem ass.  

A genee dëst probéiere mir haut zesummen z’erreechen!